მშვიდობის კვლევის ცენტრი

კულტურული და ეთნიკური მრავალფეროვნებისა და მედიის გავლენის კვლევა მარნეულის მუნიციპალიტეტში

პროექტი “კულტურული და ეთნიკური მრავალფეროვნებისა და მედიის გავლენის კვლევა მარნეულის მუნიციპალიტეტში“ მიზნად ისახავს მარნეულის მუნიციპალიტეტში ხელი შეუწყოს სოციალური დისტანციის შემცირებას, სტერეოტიპების გამოვლენასა და სოციალური ინტეგრაციის გაღრმავებას, რაც თავის მხრივ, ხელს უწყობს როგორც მუნიციპალიტეტის სტაბილურ და მშვიდობიან განვითარებას, ისე ქვეყნის ეროვნული უსაფრთხოების განმტკიცებას. პროექტის განხორციელების ვადები: 2026 წლის იანვარი - აპრილი პროექტის იდეა ეფუძნება მარნეულის მუნიციპალიტეტში არსებული ეთნიკური მრავალფეროვნების კვლევასა და ანალიზს. პროექტის ფარგლებში იგეგმება აზერბაიჯანული, სომხური და ქართული თემების ურთიერთობების, სოციალური დისტანციის, სტერეოტიპების, ენობრივი ბარიერების და მედიის გავლენის შესწავლა. კვლევა მოიცავს როგორც რაოდენობრივ, ისე თვისობრივ კომპონენტებს, რაც უზრუნველყოფს პრობლემის სიღრმისეულ და მტკიცებულებებზე დაფუძნებულ გაანალიზებას. პროექტის ამოცანებია: • ეთნიკურ ჯგუფებს შორის სოციალური დისტანციის გამოვლენა; • სტერეოტიპებისა და კულტურული მოლოდინების კვლევა; • მედიისა და საინფორმაციო სივრცის გავლენის შეფასება; • ენობრივი რესურსების და საჭიროებების ანალიზი. პროექტის ფარგლებში დაგეგმილი ღონისძიებები: • ფსიქო-სოციოლოგიური კვლევის (რაოდენობრივი გამოკითხვის) ჩატარებას 600 რესპონდენტზე ბოგარდუსის სოციალური დისტანცირების სკალის გამოყენებით; • ექვსი ფოკუს ჯგუფის ორგანიზებას და ჩატარებას სხვადასხვა ეთნიკური ჯგუფების და ასაკის მონაწილეთა ჩართულობით, • კვლევის ანგარიშის მომზადება და შესაბამისი სამთავრობო უწყებებისათვის მიწოდება. პროექტის ფარგლებში განხორციელდა პირველი სრულყოფილი ფსიქო-სოციოლოგიური კვლევა მარნეულის მუნიციპალიტეტში, რომლის მონაცემების გამოყენება შესაძლებელი იქნება ეროვნულ და ადგილობრივ დონეზე ინტეგრაციის პოლიტიკისა და სამოქალაქო თანასწორობის პროგრამების გასაუმჯობესებლად. პროექტს აქვს საპილოტე ხასიათი და დაგეგმილია მისი განვრცობა საქართველოს სხვა რეგიონებშიც. მიღებული კვლევითი ინსტრუმენტები, ანალიტიკა და რეკომენდაციები დარჩება როგორც გრძელვადიანი რესურსი, რომელიც უზრუნველყოფს პროექტის შედეგების მდგრადობასა და განგრძობითობას. პროექტის განხორციელების შედეგად მიღებულია კონკრეტული, გაზომვადი და პრაქტიკული ღირებულების მქონე შედეგები: 1. მიღებულია სანდო კვლევითი მონაცემების მარნეულის მუნიციპალიტეტში არსებული სოციალური რეალობის შესახებ • შესრულდა რაოდენობრივი კვლევა 600 რესპონდენტზე და ჩატარდა 6 ფოკუს ჯგუფი, რის შედეგადაც შეიქმნა მონაცემთა სრულყოფილი ბაზა. • განისაზღვრა სხვადასხვა ეთნიკურ ჯგუფებს შორის სოციალური დისტანციის დონე და სტერეოტიპების ძირითადი წყაროები. 2. სტერეოტიპების გამოვლენა და ინტეგრაციის ბარიერების იდენტიფიკაცია • გამოვლინდა რომელი სოციალური, კულტურული და ენობრივი ფაქტორები აფერხებს ეთნიკურ ჯგუფებს შორის თანამშრომლობას და ნდობას. • კონკრეტულ თემებში გამოიკვეთა სტერეოტიპების სიძლიერე და კულტურული ბარიერები • იდენტიფიცირდა რისკის ზონები, სადაც აუცილებელია სხვადასხვა ღონისძიებების დაგეგმვა და განხორციელება. • გამოვლინდა მოსახლეობის დამოკიდებულება უცხო ქვეყნის მოქალაქეებისა და უცხოური კულტურის მიმართ, რაც ხელს შეუწყობს ინტეგრაციის და მიგრაციული პოლიტიკის სწორად დაგეგმვას. 3. მედიისა და ენობრივი გარემოს შეფასება • გამოიკვეთა, რომელი ადგილობრივი და უცხოური მედია საშუალებები ახდენენ ყველაზე მნიშვნელოვან გავლენას მოსახლეობაზე. • შეფასდა ქართული და უცხო ენების ცოდნის დონე და მათი სწავლების ტენდენციები, რაც დაეხმარება სახელმწიფოს სამოქალაქო ინტეგრაციის პოლიტიკის დაგეგმვაში. • იდენტიფიცირდა მოსახლეობის საჭიროებები და მოლოდინები; 4. სტაბილურობის ინდექსის დადგენა სპეციალური ფორმულის მეშვეობით დადგინდა სტაბილურობის ინდექსი მარნეულის მუნიციპალიტეტისათვის, რომელმაც აჩვენა მაღალი სტაბილურობისა დონე. 5. ანგარიში სახელმწიფო სტრუქტურებისათვის • კვლევის შედეგებზე დაყრდნობით მომზადდა ანგარიში რომლებიც დაეხმარება საქართველოს მთავრობას და შესაბამის სახელმწიფო სტრუქტურებს ინტეგრაციისა და სამოქალაქო თანასწორობის მიმართულებით უფრო ეფექტური პოლიტიკის განხორციელებაში. • შედეგები იძლევა შესაძლებლობას, მომდევნო ეტაპზე განხორციელდეს შედარებითი ანალიზი სხვა მუნიციპალიტეტებთან, რეგიონის და საქართველოს მასშტაბით. პროექტის განხორციელების შედეგად საქართველოს მთავრობა, სახელმწიფო უწყებებს მიეწოდათ კვლევაზე დაფუძნებული ანგარიში, რომელიც მიზანშეწონილია, რომ გამოიყენებულ იქნას ეთნიკური ინტეგრაციისა და სამოქალაქო თანასწორობის პოლიტიკის გაუმჯობესებისთვის, რის შედეგადაც საზოგადოება მიიღებს სარგებელს სოციალური თანხმობის, უსაფრთხოებისა და სტაბილურობის გაძლიერებით. პროექტი დაფინანსებულია სსიპ სახელმწიფო გრანტის მართვის სააგენტო მიერ